நாய் மீது கல் வீசியதால் தகராறு: கட்டிட தொழிலாளி அடித்துக்கொலை!!
Read Time:1 Minute, 57 Second
திருப்பூர் ஓடக்கரை கே.வி.ஆர். நகரச் சேர்ந்தவர் சங்கர் (வயது 38). கட்டிட தொழிலாளி. இவர் அந்த பகுதியில் உள்ள கடைக்கு புறப்பட்டார். அப்போது தான் வளர்க்கும் நாயையும் அழைத்துச்சென்றார்.
அப்போது அதே பகுதியைச் சேர்ந்த டிரைவர் சிவா, பனியன் கம்பெனி ஊழியர்கள் கோபாலகிருஷ்ணன், பால்பாண்டி ஆகியோர் சங்கர் அழைத்துச்சென்ற நாய் மீது கல் வீசினர். அவர்களை சங்கர் தட்டிக்கேட்டார். இதனால் தகராறு ஏற்பட்டது.
ஆத்திரமடைந்த சிவா, கோபாலகிருஷ்ணன், பால்பாண்டி ஆகிய 3 பேரும் சேர்ந்து சங்கரை சரமாரியாக தாக்கினார்கள். இதில் அவருக்கு தலையில் பலத்தகாயம் ஏற்பட்டது.
தாக்குதலுக்கு பின்னர் 3 பேரும் அங்கிருந்து தப்பிச்சென்று விட்டனர். ரத்த வெள்ளத்தில் மிதந்த சங்கரை திருப்பூர் அரசு ஆஸ்பத்திரியில் சேர்த்தனர். அங்கு முதலுதவி சிகிச்சை அளிக்கப்பட்டது.
பின்னர் மேல் சிகிச்சைக்காக கோவை அரசு ஆஸ்பத்திரியில் சேர்த்தனர். தீவிர சிகிச்சை அளித்தும் பலனின்றி சங்கர் இன்று காலை பரிதாபமாக இறந்தார். சங்கர் கொலை குறித்து திருப்பூர் மத்திய போலீசார் வழக்கு பதிவு செய்து கோபாலகிருஷ்ணன், பால்பாண்டி ஆகியோரை கைது செய்தனர். தலைமறைவாக உள்ள சிவாவை தேடி வருகிறார்கள். சங்கருக்கு திருமணமாகி 2 குழந்தைகள் உள்ளனர்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating