ஆப்கானிஸ்தானில் பெண் எம்.பி.யை கடத்திய தலிபான் தீவிரவாதிகள்..!!
Read Time:2 Minute, 0 Second
ஆப்கானிஸ்தான் பெண் எம்.பி.ஆக இருப்பவர் பரிபா அகமதி ககார். நேற்று இவர் காபூல் அருகேயுள்ள ஷாஷினி மாகாணத்தில் கிராம பகுதியில் காரில் பயணம் செய்து கொண்டிருந்தார்.
அவருடன் 3 மகள்களும் உடன் இருந்தனர். அப்போது, காரை வழிமறித்த தலிபான் தீவிரவாதிகள் அவர்களை கடத்தி சென்றனர்.
தகவல் அறிந்ததும் நேட்டோ படையினரும், ஆப்கானிஸ்தான் உளவுத் துறையினரும் அதிரடி நடவடிக்கையில் ஈடுபட்டனர். அதை தொடர்ந்து அவரது 3 மகள்களும் பத்திரமாக மீட்கப்பட்டனர்.
ஆனால், எம்.பி. ககாரை மட்டும் அவர்கள் ஒரு மறை விடத்தில் அடைத்து வைத்துள்ளனர். சிறையில் இருக்கும் 4 தலிபான் தீவிரவாதிகளை விடுவித்தால் கடத்தப்பட்டிருக்கும் பெண் எம்.பி.யை விடுதலை செய்வோம் என கோரிக்கை விடுத்துள்ளனர்.
அவரை மீட்கும் பணியில் நேட்டோ படையினர் ஈடுபட்டுள்ளனர். அடுத்த ஆண்டில் ஆப்கானிஸ்தானில் இருந்து நேட்டோ படை வெளியேற உள்ளது. இந்த நிலையில் இதுபோன்ற கடத்தல் சம்பவங்கள் அங்குள்ள பெண்களை அச்சத்தில் ஆழ்த்தியுள்ளது.
கடந்த வாரம் ஆப்கானிஸ்தானில் பெண் செனட் உறுப்பினர் ரூக் குல் ஷாஷினியில் கணவருடன் தாக்கப்பட்டார். அதில் அவரது மகன் உயிரிழந்தார்.
ஹெல்மண்ட் பகுதியில் பெண் போலீஸ் சுட்டு கொல்லப்பட்டார். இந்த நிலையில் பெண் எம்.பி. கடத்தப்பட்டிருப்பது அங்கு பரபரப்பை ஏற்படுத்தியுள்ளது.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating