பட்டாசை சுட்டு சுட்டு போடட்டுமா! (மகளிர் பக்கம்)
Read Time:3 Minute, 48 Second
தீபாவளி என்றால் பட்டாசு இல்லாமல் இல்லை. பண்டிகையின் ஒரு வாரத்திற்கு முன்பே பட்டாசு சத்தம் முழங்க ஆரம்பித்தவிடும். பட்டாசு வெடிக்கும் போது, சில விஷயங்களை கவனத்தில் கொள்ள வேண்டும்…
*ஐ.எஸ்.ஐ. முத்திரை உடைய உரிமம் பெற்ற தரமான பட்டாசுகளைப் பார்த்து வாங்க வேண்டும். மேலும், பட்டாசு வெடிக்கும்போது, பட்டாசு பெட்டியை மூடி வைக்க வேண்டும்.
*மத்தாப்பு, சங்கு சக்கரம் மற்றும் புஸ்வானம் உள்ளிட்டவற்றில் ஆபத்து அதிகம் இல்லை. ஆனாலும், சில சமயங்களில் இவை வெடிக்கலாம். அதனால் குழந்தைகள் வெடிக்கும் போது, பெரியவர்கள் அருகே இருப்பது நல்லது.
*மிக அதிகமான சப்தத்தையும், மிக அதிகமான வெளிச்சத்தையும் வெளிப்படுத்தும் வெளிநாட்டுப் பட்டாசுகளைத் தவிர்த்துவிடுங்கள். அவை ஆபத்தானவை மட்டுமல்ல. தடை செய்யப்பட்டதும்கூட. அவற்றை வெடிப்பது சட்டப்படி தவறு.
*ஒவ்வொரு தீபாவளிக்கும் புதுப்புது ரகங்களில் பட்டாசுகள் அறிமுகம் ஆகின்றன. அவற்றை எப்படி வெடிப்பது என்று அட்டைப் பெட்டிகளின் மேலே குறிப்பு இருக்கும். அதைக் கவனமாகப் படித்து முறையாகப் பின்பற்றுங்கள்.
*பட்டாசின் திரிக்கு முன்னால் முகத்தை நீட்டவோ, கையில் எடுத்து வெடிக்கவோ கூடாது.
*பட்டாசுகளை, அதற்கென விற்கும் நீண்ட வத்திகளை பயன்படுத்தி வெடிக்க வேண்டும். பூஜைக்கு பயன்படுத்தும் ஊதுவத்திகளை பயன்படுத்தக் கூடாது.
*இறுக்கமான பருத்தி ஆடைகளை மட்டுமே அணிந்து, செருப்பு போட்டபடி பட்டாசுகளை வெடிக்க வேண்டும். பெரியோர், குழந்தைகள் யாரா இருந்தாலும் பட்டாசுகளை, சட்டைப்பாக்கெட்டில் வைத்து ஒவ்வொன்றாக எடுத்து வெடிக்கக் கூடாது.
*பட்டாசு காயம் பட்டால், அங்கு சலைன் தண்ணீரை ஊற்றலாம். 5 மில்லி லிட்டரில் ஆரம்பித்து 1 லிட்டர் பாட்டில் வரை மருந்துக்கடைகளில் கிடைக்கிறது. இது சிறந்த ஆன்டிபயாடிக்காகச் செயல்படும். சலைன் ஊற்றி சுத்தம் செய்த பிறகு சில்வர் சல்ஃபாடைசின் ஆயின்மென்ட் போடலாம். தீக்காயத்தினால் ஏற்படும் எரிச்சலைக் குறைத்து, குளிர்ச்சியாக்கும். இந்த முதலுதவி செய்ததும் உடனே மருத்துவமனைக்குச் செல்வது நல்லது.
*கண்ணில் தீக்காயம் பட்டால் கூடுதல் கவனத்துடன் அந்தக் காயத்தை ஆற்ற வேண்டும். கண்ணில் காயம் பட்டவுடன் சுத்தமான தண்ணீரால் கழுவி விட்டு ஐ டிராப்ஸ் போடுவது நல்லது.
*தீக்காயத்தில் சிறியது, பெரியது என்று எதுவும் இல்லை. எந்தவிதமான தீக்காயமாக இருந்தாலும், காயம் ஏற்பட்ட 24 மணி நேரத்துக்குள் டிடி தடுப்பூசி போட வேண்டும்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
