கன்னியாகுமரி அருகே 7 வயது சிறுமி மர்மச்சாவு!!
Read Time:4 Minute, 5 Second
நெல்லை மாவட்டம் டோனாவூரை சேர்ந்தவர் சந்தானம். இவரது மனைவி நதியா(வயது 28). இவர்களுக்கு ஜெயா(7) என்ற மகள் உள்ளார்.
குடை பழுது பார்க்கும் வேலை செய்து வந்த சந்தானம் சமீப காலமாக கன்னியாகுமரி அருகே மாதவபுரம் பகுதியில் குடிசை வீட்டில் குடும்பத்துடன் தங்கியிருந்தார்.
கடந்த 2 மாதங்களுக்கு முன்பு சிறுமி ஜெயா வீட்டு முன்பு விளையாடிக் கொண்டிருந்த போது அவரை நாய் கடித்து விட்டது. இதனால் அவரை பெற்றோர் ஆஸ்பத்திரியில் சேர்த்து ஊசி போட்ட னர். அதன்பின்னர் ஜெயா வுக்கு அடிக்கடி உடல்நலக் குறைவு ஏற்பட்டது.
இந்தநிலையில் நேற்று மாலை ஜெயா வீட்டில் திடீரென மயங்கி விழுந்தார். இதைக்கண்டு அதிர்ச்சிய டைந்த சிறுமியின் பெற்றோர் உடனடியாக அவரை மீட்டு சிகிச்சைக்காக ஆசாரிபள்ளம் அரசு ஆஸ்பத்திரியில் சேர்த்தனர். அங்கு ஜெயாவை பரிசோதித்த டாக்டர்கள் அவர் இறந்து விட்டதாக கூறினர்.
இதுகுறித்து தகவல் அறிந் ததும் கன்னியாகுமரி போலீசார் சம்பவ இடத்திற்கு சென்று விசாரித்தனர். நாய் கடித்ததற்கு முறையாக சிகிச்சை பெறாததால் தான் சிறுமி ஜெயா இறந்திருக்கலாம் என போலீசார் கருதினர். ஆனால் ஜெயாவின் சாவில் மர்மம் இருப்பதாக சந்தானம் புகார் கூறினார்.
கடந்த இரு நாட்களுக்கு முன்பு சந்தானமும், நதியாவும் வேலைக்கு சென்றுள்ளனர். அப்போது ஜெயாவை பக்கத்து வீட்டில் விட்டு சென்றனர். இரவில் இவர்கள் வீட்டுக்கு திரும்பினர். பெற்றோரை பார்த்ததும் பக்கத்து வீட்டில் இருந்து கதறி அழுதவாறு ஜெயா ஓடி வந்தார். எதற்காக அழுகிறாய்? என பெற்றோர் கேட்ட போது ஜெயா பதில் ஏதும் சொல்லாமல் ஏங்கி ஏங்கி அழுதார். பெற்றோர் அவரை சமாதானப்படுத்தி வீட்டுக்கு அழைத்து சென்றனர்.
இந்தநிலையில், ஜெயா நேற்று திடீரென வீட்டில் மயங்கி விழுந்து இறந்திருப்ப தால் அவரது சாவில் சந்தேகம் இருப்பதாக சந்தானம் போலீசில் புகார் கொடுத்தார். தனது மகளை பக்கத்து வீட்டில் விட்டுச் சென்ற போது அங்கு ஏதோ விபரீத சம்பவம் நிகழ்ந்திருக்க வேண்டும், அதில் ஜெயா உடல் நிலை பாதிக்கப்பட்டு பலியாகி இருக்கலாம் என சந்தே கிப்பதாக அவர் புகார் கூறினார்.
இதைத்தொடர்ந்து, ஜெயா வின் உடலை பிரேத பரிசோதனை செய்ய போலீசார் முடிவு செய்தனர். அதன்படி ஜெயா மரணம் தொடர்பாக அவரது தாயார் நதியா கொடுத்த புகாரின்பேரில் தற்கொலை வழக்குபதிவு செய்தனர். இன்ஸ்பெக்டர் முத்துராஜ் விசாரணை நடத்தி வருகிறார்.
ஜெயாவின் உடல் பிரேத பரிசோதனை இன்று ஆசாரி பள்ளம் அரசு ஆஸ்பத்திரியில் நடக்கிறது. இதில் ஜெயாவின் சாவுக்கான உண்மை கார ணங்கள் தெரிய வரும், அதன டிப்படையில் அடுத்தக்கட்ட நடவடிக்கை எடுக்கப்படும் என போலீசார் தெரிவித்தனர்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating