வடமாகாண பிரதம செயலாளரை இடமாற்ற அரசாங்கம் மறுப்பு
Read Time:3 Minute, 5 Second
வடமாகாண சபையின் பிரதம செயலாளர் என். விஜயலட்சுமியை அந்தப் பதவியிலிருந்து இடமாற்றுவதற்கு அரசாங்கம் திட்டவட்டமாக மறுப்பு தெரிவித்துள்ளது.
யாழ்ப்பாணம் தெல்லிப்பழை புற்றுநோய் வைத்தியசாலையின் திறப்பு விழா வைபவம் நேற்று நடைபெற்றது.
இந்த நிகழ்வில் ஜனாதிபதி மஹிந்த ராஜபக்ச, வட மாகாண முதலமைச்சர் சீ.வி.விக்கினேஸ்வரன் உட்பட ஆளும்கட்சி, எதிர்க்கட்சி எம்.பி.க்கள் மற்றும் முக்கியஸ்தர்கள் கலந்து கொண்டனர்.
நிகழ்வில் பங்கேற்ற முதலமைச்சர் விக்கினேஸ்வரன் பிரதம செயலாளர் விவகாரம் குறித்து குறிப்பிட்டதாகவும், இதற்கு ஜனாதிபதி தரப்பு சாதகமான பதில் வழங்கவில்லையென்றும் தெரிவிக்கப்படுகின்றது.
பிரதம செயலாளர் விஜயலட்சுமியை இடமாற்றும் விடயத்தில் இலங்கை நிர்வாக சேவை அதிகாரிகள் சங்கம் பெரும் எதிர்ப்பு தெரிவித்து வருகின்றமையினால் இந்த விடயத்தை மேற்கொள்ள முடியாத நிலை காணப்படுகிறது.
எனவே, இந்தக் கோரிக்கையினை கைவிடுமாறு ஜனாதிபதி தரப்பு தெரிவித்துள்ளதாகவும் நம்பகரமாக தெரியவருகின்றது.
மாகாண அமைச்சர்களின் செயலாளர்களை .ே வண்டுமானால் இடமாற்ற முடியும். அதற்கான நடவடிக்கைகளை எடுக்கலாம். ஆனால் பிரதம செயலாளரை மாற்றுவது கடினம் என தெரிவித்த ஜனாதிபதி தரப்பு வடமாகாண சபையின் செயற்பாட்டுக்கு பூரண ஒத்துழைப்பு வழங்கப்படும் என்று தெரிவித்துள்ளது.
இம்மாத ஆரம்பத்தில் ஜனாதிபதி மஹிந்த ராஜபக்சவை சந்தித்து பிரதம செயலாளரின் இடமாற்றம் உட்பட பல விடங்கள் .தொடர்பில் வடமாகாண முதலமைச்சர் சீ.வி.விக்கினேஸ்வரன் கலந்துரையாடியிருந்தார். இதன்போது பிரதம செயலாளரை இடமாற்றுவதற்கு ஜனாதிபதி இணக்கம் தெரிவித்திருந்தார்.
இந்த நிலையிலேயே நேற்று இந்த விடயம் குறித்து முதலமைச்சர் குறிப்பிட்ட போது அதற்கு மறுப்பு தெரிவிக்கப்பட்டுள்ளமை குறிப்பிடத்தக்கதாகும்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating