சிரிய பிரச்சினைக்கு அரசியல் தீர்வு கிடைக்கும் –பான் கீ மூன்
Read Time:4 Minute, 3 Second
இரசாயன ஆயுதத் தடை ஒப்பந்தத்தில் கையெழுத்திடுவதற்கான சிரியாவின் விண்ணப்பித்தை ஐக்கிய நாடுகள் சபை ஏற்றுக்கொண்டுள்ள அதேவேளை, சிரிய பிரச்சினைக்கு அரசியல் தீர்வு கிடைக்கும் எனவும் ஐ.நா பொது சௌலாளர் பான் கி. மூன் தெரிவித்-துள்ளார் .
சிரியா தலைநகர் டமாஸ்கஸ் புறநகர் பகுதியில் சென்ற மாதம் சிரிய ஜனாதிபதி படையினர் இரசாயன குண்டுகளை வீசி நூற்றுக்கணக்கானவர்களைக் கொன்றதாகக் குற்றம் சாட்டப்பட்டது. இதற்கு பதிலடியாக சிரியா மீது ஏவுகணைத் தாக்குதல் நடத்த அமெரிக்கா தயாரானது.
இந்நிலையில் சமரசத்துக்கு முன்வந்த சிரியாவின் நட்பு நாடான ரஷ்யா, சிரியாவின் இரசாயன ஆயுதங்களை சர்வதேசக் கட்டுப்பாட்டுக்குள் கொண்டு வரச் செய்வதாகவும், இரசாயன ஆயுதங்கள் தடுப்பு ஒப்பந்தத்தில் சிரியாவைக் கையெழுத்திட வைப்பதாகவும் கூறியிருந்தது.
அதன் தொடர்ச்சியாக, இரசாயன ஆயுதத் தடுப்பு ஒப்பந்தத்தில் கையெழுத்திட ஐ.நா.விடம் சிரியா விண்ணப்பித்தது.
இதுகுறித்து ஐ.நா. செய்தித் தொடர்பாளர் தெரிவித்துள்ளதாவது, ‘ஐ.நா. பொதுச் செயலாளர் பான் கீ மூன், சிரியாவின் விண்ணப்பத்தை வரவேற்றுள்ளார்.
இந்த ஒப்பந்தத்தில் கையெழுத்திடுவதன் மூலம், சிரியாவில் இனி இரசாயனத் தாக்குதல் நடைபெறுவது தடுக்கப்படும் என்றும், சிரியாவில் நிலவி வரும் பிரச்சினைகளுக்கு அரசியல் தீர்வு பிறக்கும் என்றும் நம்புவதாக ஐ.நா. பொதுச் செயலாளர் தெரிவித்தார்” என்று கூறினார்.
அமெரிக்காவில் இயங்கிவரும் தன்னார்வ அமைப்பான ‘ஆயுதக் கட்டுப்பாட்டு சங்கம்’ வெளியிட்டுள்ள அறிக்கையில், சிரியாவின் இரசாயன ஆயுதங்களை ஒழிப்பது சிக்கலான காரியம் என்றாலும், இரசாயன ஆயுதத் தடை ஒப்பந்தத்தில் சிரியா கையெழுத்திடுவது ஒரு முக்கியமான திருப்புமுனையாக அமையும்.
அபாயகரமான ஆயுதங்களை வைத்திருப்பது, உள்நாட்டிலோ, பக்கத்து நாடுகளுக்கு எதிராகவோ அவற்றைப் பயன்படுத்துவது ஆகியவற்றிலிருந்து சிரியாவைத் தடுக்கும் எனத் தெரிவித்துள்ளது.
இந்த விவகாரத்தில் சிரியா எந்த அளவு ஒத்துழைப்பு தருகிறது என்பது, அந்நாடு தனது இரசாயன ஆயுதங்களின் இருப்பு விபரத்தைத் தருவதைப் பொறுத்தே அமையும் என்று கூறப்படுகிறது.
இதனிடையே, ‘இஸ்ரேலின் இராணுவ பலத்துக்கு ஈடுகொடுக்கத்தான் சிரியா இரசாயன ஆயுதங்களை வைத்துள்ளது” என்று ரஷ்ய ஜனாதிபதி கூறியுள்ள கருத்து, தனது கையிருப்பிலுள்ள இரசாயன ஆயுதங்களையும் அழிக்க வேண்டும் என்ற கோரிக்கை எழுமோ என்ற கலக்கத்தை இஸ்ரேலுக்கு ஏற்படுத் தியுள்ளதாக தகவல்கள் தெரிவிக்கின்றன.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating