இளவரசி டயானாவின் மரணம் குறித்து வெளிவரும் புதிய அதிர்ச்சித் தகவல்கள்..!!

இள­வ­ரசர் சார்ள்­ஸி­ட­மி­ருந்து விவா­க­ரத்து பெற்­றபின், எகிப்­திய கோடீஸ்­வரர் மொஹமட் அல் பயாட்டின் மக­னான டோடி அல் பயாட்டை டயானா திரு­மணம் செய்­வதை பிரித்­தா­னி­ய­ அ­ரச குடும்­பத்­தினர் விரும்­ப­வில்லை எனவும் அதனால்,  எம்.ஐ.6 எனும் பிரித்­தா­னிய வெளி­நாட்டு புல­னாய்வு அமைப்பின் மூலம் டயானா கொல்­லப்­பட்­டி­ருக்­கலாம் என்ற ஊகங்­களும் கதை­களும் நீண்­ட­கா­ல­மாக உள்­ளன.

எனினும், டயா­னாவும் டோடி யும் பயணம் செய்த கார் பாரிஸ் நகர சுரங்கப் பாதை­யொன்றின் தூணில் மோதி­யமை ஒரு விபத்­துதான் என டயா­னாவின் மரணம் குறித்து விசா­ரணை நடத்­திய பிரித்­தா­னிய, பிரெஞ்சு புல­னாய்வு அமைப்­புகள் தெரி­வித்­துள்­ளன. 2008 ஆம் ஆண்டு பிரித்­தா­னிய நீதி­மன்ற­மொன்றும் இதே தீர்ப்பை அளித்­தது.

மேற்­படி காரின் சார­தி­யான ஹென்ரி போல், மது அருந்­தி­யி­ருந்­த­தா­கவும் பாப்­ப­ரா­ஸிகள் துரத்­தி­வந்த நிலையில் அவர் மிக வேக­மாகக் காரை செலுத்­தி­யதால் இவ்­வி­பத்து இடம்­பெற்­ற­தா­கவும் விசா­ர­ணைகள் மூலம் தெரி­ய­வந்­த­தாகக் கூறப்­பட்­டது.

ஆனால், பிரித்­தா­னிய இரா­ணு­வத்தின் விசேட வான் சேவைப் பிரிவு (எஸ்.ஏ.எஸ்.) பிரி­வினால் டயானா கொல்­லப்­பட்­ட­தாக அப்­படைப் பிரிவைச் சேர்ந்த சிப்பாய் ஒருவர் கூறிய தகவல் கடந்த மாதம் வெளி­யாகி பர­ப­ரப்பை ஏற்­ப­டுத்­தி­யது.

இந்­நி­லையில், டயா­னாவின் மரணம் விபத்­தல்ல அவரை கொல்ல சதி நடந்­தி­ருக்­கலாம் என தனது ஆய்­வுகள் தெரி­விப்­ப­தாக சூ றீட் எனும் புல­னாய்வு ஊட­க­வி­ய­லாளர் ஒருவர் எழு­திய கட்­டு­ரை­யொன்றில் தெரி­வித்­துள்ளார்.

ஆனால், பாரி­ஸி­லுள்ள, அல் பயாத் குடும்­பத்­துக்குச் சொந்­த­மான ரிட்ஸ் ஹேட்­ட­லி­லி­ருந்து டயா­னாவும் டோடியும் வெளி­யே­றும்­போது அவர்­களை பின்­தொ­டர்ந்து படம்­பி­டிப்­ப­தற்­காக பாப்­ப­ரா­ஸிகள் எனும் புகைப்­ப­டப்­பி­டிப்­பா­ளர்கள் காத்­தி­ருந்­தனர்.

ஹோட்­ட­லுக்கு முன்னால் ஒரு மேர்­சிடிஸ் பென்ஸ் காரை நிறுத்­தி­வைத்து பாப்­ப­ரா­ஸி­க­ளுக்கு பாசாங்கு காட்­டி­விட்டு, ஹோட்­டலின் பின்­வாசல் வழி­யாக டயா­னாவும் டோடியும் அவரின் மெய்ப்­பா­து­கா­வ­லரும் சார­தி­யும்­மற்­றொரு கறுப்பு நிற மேர்­சிடிஸ் காரில் சென்­றனர்.

ஆனால் அதை அவ­தா­னித்­து­விட்ட சில பாப்­ப­ரா­ஸிகள் அக்­காரை துரத்திச் சென்­றனர் எனத் தெரி­விக்­கப்­பட்­டது என்று சூ றீட் எனும் புல­னாய்வு ஊட­க­வி­ய­லாளர் ஒருவர் எழு­திய கட்­டு­ரை­யொன்றில் தெரி­வித்­துள்ளார்.

ஆனால், அச்­சு­ரங்கப் பாதை யில் மோட்டார் சைக்கிள் மாத்­தி­ர­மல்­லாமல் வெள்ளை நிற பியன் யுனொ ரக கார் ஒன்றும் நீல நிற சலூன் ரக காரும் டோடி, டயா­னாவின் மேர்­சிடிஸ் காரை துரத்திச்  சென்­ற­தாக சுயா­தீன விசா­ர­ணைகள் தெரி­விக்­கின்ற என சூ றீட் தெரிவித்துள்ளார்.

‘நீல நிற கார், டோடியின் மேர்­சிடிஸ் காரை மிக நெருங்கிச் சென்­றது. அது பாப்­ப­ரா­ஸியின் கார் என தவ­றாக நினைத்த டோடியின் சாரதி ஹென்ரி போல், இன்னும் வேக­மாக காரை செலுத்த அது தூண்­டி­யது.

அதே­வேளை, வெள்ளை நிற கார் வேக­மெ­டுத்து டோடியின் மேர்­சிடிஸ் காரின் பக்­க­மாக வெட்டித் திருப்­பி­யது. இதனால் வீதியின் ஒரு பக்­கத்­திற்கு மேர்­சிடிஸ் கார் தள்ள நிர்ப்­பந்­திக்­கப்­பட்­டது. இதன்­மூலம் இருவர் பயணம் செய்த மோட்டார் சைக்­கி­ளொன்று டோடியின் காரை முந்திச் செல்ல வாய்ப்பு கிடைத்­தது.

மோட்டார் சைக்­கிளில் பயணம் செய்த இரு­வரும் தமது முகம் தெரி­யாத வகையில் தலைக்­க­வசம் அணிந்­தி­ருந்­தனர்.  டோடியின் மெர்­சிடிஸ் காரி­லி­ருந்து 15 அடி தூரத்­திற்கு முன்னால் மோட்­டார்­ சைக்­கிளில் சென்­று­கொண்­டி­ருந்­த­போது, அதில் பின்­னா­ளி­லி­ருந்து பயணம் செய்­தவர் கடு­மை­யான ஃபிளேஷ் வெளிச்­சத்தை டோடி யின் காரை நோக்கிப் பாய்ச்­சி­ய­டித்தார். லேசர் வெளிச்சக் கரு­வி­யொன்றின் மூலம் இந்த வெளிச்சம் பாய்ச்­சப்­பட்­ட­தாக கரு­தப்­ப­டு­கி­றது.

இந்த கடு­மை­யான வெளிச்சம் கார­ண­மாக டோடியின் சாரதி ஹென்ரி போல் தற்­கா­லி­க­மாக குரு­டாகும் நிலைக்குத் தள்­ளப்­பட்டார். அதன்பின் மேர்­சிடிஸ் கார் பயங்­க­ர­மாக திரும்பி சுரங்­கப்­பா­தையின் தூணில் மோதும் சத்தம் கேட்­டது’ என சாட்­சி­கள் கூறி­ய­தாக சூ றிட் தெரி­வித்­துள்ளார்.

இவ்­வி­பத்துக் காட்­சியை அவ்­வ­ழியே வாக­னத்தில் பயணம் செய்த பிரெஞ்சு துறை­முக விமா­னி­யாக பணி­யாற்­றிய ஒரு வர் வாக­னத்தின் கண்­ணாடி வழி­யாக அவ­தா­னித்­துள்ளார்.

மேற்­படி மோட்டார் சைக்­கிளில் வந்த ஒருவர் விபத்தின் பின்னர் இறங்கி, அக்­காரின் கண்­ணா­டி­க­ளுக்­கூ­டாக பார்த்­த­தா­கவும் பின்னர் அவர் தனது கைகளை மார்­புக்கு குறுக்­காக கொண்டு சென்று கீழ் நோக்கி இறக்கி விரித்து தனது சகா­வுக்கு சமிக்ஞை காட்­டி­ய­தாக அவ்­வி­மானி தெரி­வித்­தாராம்.

இது திட்டம் வெற்­றி­க­ர­மாக முடி­வ­டைந்­து­விட்­டது என்­பதை வெளிப்­ப­டுத்­து­வ­தற்­காக படை­யினர் பயன்­ப­டுத்தும் சமிக்ஞை பாணி­யி­லா­னது எனத் தெரி­விக்­கப்­ப­டு­கி­றது. அதன்பின் மேற்­படி மோட்டார் சைக்கிள் அச்­சு­ரங்கப் பாதை­யி­லி­ருந்து வெளி­யே­றிவிட்டதாம்.

தனது மனை­வி­யுடன் காரில் பயணம் செய்த மேற்­படி விமானி, இக்­காட்­சி­யா­னது ‘பயங்­க­ர­வாதத் தாக்­குதல்’ போன்று இருந்­த­தாக வர்­ணித்­துள்ளார்.

மோட்டார் சைக்­கிளின் பின் னால் அமர்ந்து சென்­றவர் டோடியின் காரை விபத்­துக்­குள்­ளாக்­கு­வ­தற்கு பிர­யத்­த­னப்­பட் டார் என மேற்­படி ஊட­க­வி­ய­லாளர் தெரி­வித்­துள்ளார்.

டயானா இறந்த பின்னர் எம்.ஐ. 16 புல­னாய்வு அமைப் பைச் சேர்ந்த இரு­வரின் பெயர் குறிப்­பிட்டு தனக்கு ஒரு குறிப்­பொன்று அனுப்­பப்­பட்­ட­தா­கவும் அதில் உங்­க­ளுக்கு துணிச்சல் இருந்தால் அவர்கள் இரு­வ­ரையும் பற்றி ஆழ­மாக அறிந்­து­கொள்­ளுங்கள்.

இவர்­களை எக்ஸ், வை எனக் குறிப்­பிடும் சூ றீட் இவ்­விரு நபர்­க­ளுக்கும் பின்னர் சிரேஷ்ட ராஜ­தந்­திர பத­விகள் வழங்­கப்­பட்­ட­தாக கூறி­யுள்ளார்.

பாரிஸில் செயற்­பட்ட எம்.ஐ. 16 அமைப்பு டயா­னாவின் மர­ணத்­துடன் சம்­பந் ­தப்­பட்­டது என்­ப­தற்கு கையெ­ழுத்­தி­டப்ப­டாத ஒரு குறிப்­பொன்று உறு­தி­யான ஆதா­ர­மாக அமை­யாது.

ஆனால், அப்­பு­ல­னாய்வு அமைப்பு வட்­டா­ரத்­தி­லி­ருந்து தனக்கு மீண்டும் தொலை­பேசி அழைப்­பொன்று கிடைத்­தது’ என்­கிறார் சூ றீட். அந்த அழைப்­பிலும் மேற்­படி எக்ஸ், வை நபர்­களின் பெயர்கள் குறிப்­பி­டப்­பட்­ட­தாக றீட் கூறு­கிறார்.

எனினும், டோடி அல் பயாட் டயா­னா­வுக்குப் பொருத்­த­மற்ற துணை என கரு­தப்­பட்­டதால் டயா­னாவை பய­மு­றுத்­து­வ­தற்கே திட்டம் வகுப்­பட்­டது என அவ்­வட்­டாரம் தெரி­வித்­ததாம்.

‘டயா­னாவின் கையை உடைப்­ப­தற்கு அல்­லது சிறிய காய­மொன்றை ஏற்­ப­டுத்­து­வ­தற்கே நாம் எண்­ணி­யி­ருந்தோம். இந்த நட­வ­டிக்கை எம்.ஐ.6 அமைப்­பி­லுள்ள உயர்ந்த மனிதர் என அறி­யப்­பட்ட உயர் அதி­கா­ரி­யினால் மேற்­பார்­வை­யி­டப்­பட்­டது.

ஆனால் அத்­திட்டம் பிழைத்­து­விட்­டது என்­பதை அவர் ஒப்­புக்­கொண்­டுள்ளார். ஏம்.ஐ.6 அமைப்­பி­லுள்ள எவரும் டயானா கொல்­லப்­பட வேண்­டு­மென விரும்­ப­வில்லை’ என அவ்­வட்­டாரம் தெரி­வித்­ததாம்.

பிரெஞ்சு புல­னாய்வு அமைப்­பு­க­ளுக்கும் தெரி­யாமல் எம்.ஐ. 6 புல­னாய்­வா­ளர்கள் அன்­றி­ரவு பாரிஸில் இர­க­சி­ய­மாக செயற்­பட்­ட­தா­கவும் எந்தத் தட­யமும் இன்றி ‘வேலையை’ அவர்கள் முடித்­த­தா­கவும்  தனக்கு தெரி­விக்­கப்­பட்­ட­தாக கூறும் சூ றீட்,