கழிவறையை வீடாக மாற்றிய குடும்பம்..!!
Read Time:4 Minute, 8 Second
வீடுகளுக்கான தேவை அதிக ரித்துள்ள நிலையில் இடங்களுக் கான மதிப்பு மற்றும் அதிகரித்துள்ள வாடகை போன்றவற்றுக்கு வழக்கத்துக்கு மாறான தீர் வாக சீனாவைச் சேர்ந்த குடும்ப மொன்று கழிவறையொன்றை வீடாக மாற்றியுள்ளது.
ஷெங் லிங்ஜுன் என்ற 33 வயதான சீனர் ஒருவர் வேலை தேடி ஷென்யங் நகருக்கு 2006ஆம் ஆண்டில் குடிபெயர்ந்துள்ளார். அங்கு வாடகைக்கு வீடொன்றினை பெறுவதற்கு அவரால் முடியவில்லை.
ஆதனால் ஹோட்டல் ஒன்றினால் பயன்படுத்தப்பட்டு கைவிடப்பட்ட 20 சதுர மீற்றர் அளவான ஆண்கள் கழிவறையை வாடகைக்குப் பெற்று அதனை வீடாக மாற்றியுள்ளார்.
பாதணி திருத்துநரான ஷென், 2010ஆம் ஆண்டில் திருமணம் செய்து இந்த கழிவறை வீட்டிலேயே தேவி என்ற குழந்தையையும் பெற்று வாழ்கின்றார். இங்கு தங்குவதற்கு ஷெங், வருடத்திற்கு சுமார் 2 இலட்சம் ரூபாவை வாடகையாக செலுத்துகிறார்.
ஷெங் அவரது வீட்டைப்பற்றி கூறுகையில், ‘இது சிறிய வீடுதான். ஆனால் பூரணமானது. தற்போதும் சிறுநீர் கழிக்கும் யூரினல்கள் இங்கு உள்ளன. இருப்பினும் ஏற்கெனவே நான் இருந்த இடங்களை விட இது சிறப்பாக உள்ளது’ என்கிறார்.
கழிவறையாக இருந்தாலும் கட் டில், தொலைக்காட்சிப் பெட்டி என இடத்திற்கு ஏற்பவாறு தங்களுக்கு தேவையானதை இவர்கள் இங்கு மேற்கொண்டுள்ளனர். ஆனாலும் கூரைக்குமேல் தற்போதும் பயன்பாட்டிலுள்ள கழிவறைகளிலிருந்து குழாய் வழியாக யூரினலுக்கு வரும் கழிவுகளை அகற்றவேண்டி இருக்கிறார்கள் இவர்கள்.
‘சமையலுக்கு பொருத்தமான இடமாக இது இல்லை என்றாலும் நான் இங்கு சமைக்கிறேன்’ எனக் கூறுகிறார் ஷெங்கின் மனைவி வேங். 1999ஆம் ஆண்டு விஞ்ஞான தொழில்நுட்பக் கல்லூரியில் படி ப்பதற்கான வாய்ப்பினை பெற்ற போதிலும் ஏழ்மையின் காரணமாக படிக்கமுடியவில்லை. தொடர்ந்து 50 யுவானுடன் (சுமார் 1000 ரூபா) ஷெங்யாங் நகருக்கு வந்துள்ளார்.
தற்போது இவர் தங்கியுள்ள ஹோட்டல் வழங்கியுள்ள இடத் தில் பாதணி சுத்தப்படுத்தி மாதத்துக்கு 2000 யுவான்களை வருமானமாக ஈட்டுகிறார். அத்துடன் பாதணி திருத்துவதிலும் ஈடுபடுகிறார். இதில் அவரது குடும்பத்தையும் வயதான பெற்றோரையும் கவனிக்கிறார்.
ஷெங்கின் வதிவிடம் இன்னும் ஜிலின் மாகாணத்தில் பதிவுசெய்யப்பட்டுள்ளதால் குறைந்த வாடகை வீட்டை ஷெங்யாங்கில் பெறுவதிலும் ஷெங் சிரமத்தை எதிர்நோக்கியுள்ளார்.
தன்னிடம் தற்போது உள்ளவற் றால் நான் திருப்திகொள்கிறேன். நாங்கள் இளமையானவர்கள். தொடர்ச்சியாக உழைத்து வாழ்க் கையில் முன்னேற்றமடைவோம் எனக் கூறுகிறார் ஷெங்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating