மிகவும் அழகாக இருப்பதால் நகரசபை உறுப்பினர் பதவியை வகிக்க தடை..!!
Read Time:2 Minute, 41 Second
ஈரானிய நகர சபையொன்றுக்கான தேர்தலில் வெற்றி பெற்ற பெண் வேட்பாளர் ஒருவருக்கு, அவர் மிகவும் கவர்ச்சிகரமாக இருப்பதாக தெரிவித்து பதவியை வகிக்க தடை விதிக்கப்பட்டுள்ளது.
நினா சிஹ்கலி மொராடி (27 வயது), காஸ்வின் நகர சபைக்கான தேர்தலில் 10000 வாக்குகளைப் பெற்று அந்த நகர சபை ஆசனங்களுக்காக போட்டியிட்ட 163 வேட்பாளர்களில் 14 ஆவது இடத்தை பெற்றிருந்தார்.
நகர சபை உறுப்பினர் ஒருவர் தனது ஆசனத்தை விட்டுக் கொடுக்க முன் வந்ததையடுத்து நகர சபைக்கான மாற்று உறுப்பினராக நியமனம் பெறும் வாய்ப்பை நினா சிஹ்கலி பெற்றார்.
ஆனால் அவரது நியமனத்தை அவரது கவர்ச்சிகரமான தோற்றத்தைக் காரணம் காட்டி நகர சபை நிராகரித்துள்ளது.
”எங்களுக்கு நவநாகரிக நடை நடக்கும் மொடல் அழகி தேவையில்லை’ என நகர சபை தலைவர் தெரிவித்து நினா சிஹ்கலி மேற்படி பதவியை வகிக்க தகுதியற்றவர் என அறிவித்துள்ளார்.
கட்டட கலையில் பட்டம் பெற்றவரான நினா சிஹ்கலி, தேர்தல் பிரசார நடவடிக்கையின் போது தனது தோற்றத்தால் மக்களின் கவனத்தை திசை திருப்பி வாக்குகளைப் பெற்றுள்ளதாகவும் அவர் இளமையானவராகவும் கவர்ச்சிகரமானவராகவும் இருந்தமையால் மட்டுமே தெரிவு செய்யப்பட்டுள்ளதாகவும் அவரது எதிர்ப்பாளர்கள் குற்றஞ்சாட்டுகின்றனர்.
‘இளைஞர்களுக்கான எதிர்காலத்துக்காக இளமையான திட்டங்கள்’ என்பதே நினா சிஹ்கலியால் தேர்தல் பிரசார சுலோகமாக முன்வைக்கப்பட்டிருந்தது.
ஈரானின் புதிய ஜனாதிபதியாக தெரிவு செய்யப்பட்டுள்ள ஹஸன் ரோவ்ஹானி, நாட்டிலுள்ள பெண்களின் உரிமைகளை மேம்படுத்த போவதாக சூளுரைத்துள்ளமை குறிப்பிடத்தக்கது.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating