ஈராக்கில் சிறுவனின் தற்கொலை தாக்குதல் முறியடிப்பு…!!
Read Time:2 Minute, 53 Second
ஈராக்கில் சிறுவனின் தற்கொலை தாக்குதல் முறியடிக்கப்பட்டது.
துருக்கியில் நேற்று முன்தினம் திருமண விழாவில் நடந்த மனித குண்டு தாக்குதலில் 54 பேர் பலியாகினர் 69 பேர் காயம் அடைந்தனர். பலியான 54 பேரில் 22 பேர் 14 வயதுக்குட்பட்ட சிறுவர்கள் ஆவர்.
இந்த கொடூர தாக்குதலை நடத்திய தற்கொலை படை தீவிரவாதி 12 வயது சிறுவன் என்ற அதிர்ச்சி தகவல் வெளியானது. இது போன்ற சிறுவர்களை தற்கொலை தாக்குதலுக்கு ஐ.எஸ். தீவிரவாதிகள் ஈடுபடுத்துகின்றனர்.
இது போன்று ஈராக்கில் நேற்று கிர்குக் நகரில் தாக்குதல் நடத்த வந்த தற்கொலை படை 12 வயது சிறுவன் போலீசாரிடம் சிக்கினான். முன்னதாக அங்குள்ள ஷியா பிரிவினரின் பள்ளி வாசலில் தற்கொலை படையை சேர்ந்த தீவிரவாதி மனித குண்டு தாக்குதல் நடத்தினான்.
அதில் தீவிரவாதி மட்டும் பலியானான். 2 பேர் காயம் அடைந்தனர். அதன் பின்னர் சந்தேகப்படும் நிலையில் அப்பகுதியில் 12 வயது சிறுவன் சுற்றித்திறிந்தான். எனவே, அவனை போலீசார் விரட்டிப்பிடித்தனர்.
அவன் இடுப்பில் அணிந்திருந்த வெடிகுண்டு மற்றும் தற்கொலை தாக்குதல் நடத்த பயன்படுத்தும் உடை அகற்றப்பட்டது. இதன் மூலம் சிறுவன் நடத்த இருந்த தற்கொலை தாக்குதல் முறியடிக்கப்பட்டது.
மனித குண்டாக வந்த சிறுவனிடம் போலீசார் விசாரணை நடத்தினார்கள். விசாரணையில் அவனது பெயர் ஹீமாடி என தெரியவந்தது. மொசூல் நகரை சேர்ந்த இவனை ராணுவ தாக்குதலின் போது தீவிரவாதிகள் கடத்தி சென்று விட்டனர்.
தற்போது அவனது உடலில் வெடிகுண்டு கட்டி தற்கொலை தாக்குதல் நடத்த அனுப்பி வைத்ததாக தெரிவித்தான்.
***** நிதர்சனம் வாசகர்களுக்கு…
இந்த “நிதர்சனம்.நெற்” இணைய செய்திகள், ஆக்கங்கள் உங்களுக்கு பிடித்திருந்தால், மேற்படி இணையத்தின், முகநூல் பக்கத்தில் https://www.facebook.com/nitharsanam/ “உங்களின் விருப்பத்தை” (லைக் பட்டனை) அழுத்தி எமது செய்திகளை உடனுக்குடன் நீங்கள் பார்வையிடுங்கள்… நன்றி..
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating