காலைக்கடன் கழித்துக்கொண்டிருந்த நபரின் ஆணுறுப்பை கழிவறைத்தொட்டிக்கு ஊடாக வந்து கடித்த மலைப்பாம்பு..!!
Read Time:3 Minute, 47 Second
தாய்லாந்தில் நபர் ஒருவர் காலைக்கடன்களை கழிப்பதற்காக கழிவறையில் அமர்ந்திருந்தபோது கழிவறைத்தொட்டியினூடாக வந்த மலைப்பாம்பொன்று அவரின் ஆணுறுப்பை கடித்து காயப்படுத்திய சம்பவம் அண்மையில் இடம்பெற்றுள்ளது.
38 வயதான அட்டபோர்ன் பூன்மெக்சோய் எனும் இந்நபர் படுகாயமடைந்த நிலையில் தற்போது சிகிச்சை பெற்றுவருகிறார். தாய்லாந்து தலைநகர் பேங்கொக்கு கிழக்கிலுள்ள சசோயன் மாகாணத்தில் வசிக்கும் அட்டபோர்ன் பூன்மெக்சோய், கடந்த புதன்கிழமை காலை வழக்கம் போல் கழிவறைக்குச் சென்றார்.
“அப்போது திடீரென எனது ஆணுறுப்பில் கடும் வலி ஏற்பட்டது. எனது ஆணுறுப்பு வெட்டப்பட்டுள்ளதைப் போல் உணர்ந்தேன்” என அட்டபோர்ன் பூன்மெக்சோய் தெரிவித்துள்ளார்.
தனது ஆணுறுப்பை மலைப்பாம்பொன்று கவ்விக் கொண்டிருப்பதைப் பார்த்து பெரும் அதிர்ச்சியடைந்துள்ளார். அப் பாம்பு இறுக்கமாக அவரின் உறுப்பை கௌவிக்கொண்டிருந்தது. அதையடுத்து, அவர் உதவி கோரி தனது மனைவி அயலவர்களை சத்தமிட்டு அழைத்துள்ளார்.
அட்டபோர்ன் பூன்மெக்சோயும் அவரின் மனைவியும் அயலவர் ஒருவரும் சுமார் 30 நிமிடங்கள் பாம்புடன் போராடினர்.
அட்டபோர்னின் மனைவி அப் பாம்பின் கழுத்தில் கயிறொன்றைக் கட்டி இழுக்க, பாம்பின் வாயை விரிக்கும் நடவடிக்கையில் ஈடுபட்டு வெற்றியடைந்தபோதிலும் பின்னர் அவர் மயங்கி வீழ்ந்தார்.
அதன்பின் அட்டபோர்ன் பூன்மெக் சோய் வைத்தியசாலைக்கு அழைத்துச் செல்லப்பட்டார். இதேவேளை, அவசர சேவைப் பிரிவினர் கழிவறை குழாய்களை அகற்றி மேற்படி பாம்பை பிடித்தனர். 10 அடி (3 மீற்றர்) நீளமானதாக அப் பாம்பு காணப்பட்டது.
இச் சம்பவத்தால், அட்டபோர்னின் மனைவி, மகள் ஆகியோர் பெரும் அதிர்ச்சியடைந்துள்ள போதிலும், வைத்தியசாலையில் சிகிச்சை பெறும் அட்டபோர்ன் தைரியமானவராக காணப்படுவதாகவும் தான் எதிர்கொண்ட பயங்கர அனுபவம் குறித்து செய்தியாளர்களுக்கு உற்சாகத்துடன் பேட்டிகளை வழங்கிக்கொண்டிருப்பதாகவும் சுலாரட் வைத்தியசாலையின் பணிப்பாளர் டாக்டர் சுத்திமா பின்சரோன் தெரிவித்துள்ளார்.
அவுஸ்திரேலியாவின் வட பிராந்தியத்திலுள்ள வனஜீவராசிகள் பூங்காவொன் றின் மகளிர் கழிவறையில் 12 அடி நீளமான பாம்பொன்றை சுத்திகரிப்பு ஊழியர் ஒருவர் கண்டு மீட்ட சம்பவம் அண்மையில் இடம்பெற்றிருந்தமை குறிப்பிடத்தக்கது.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating