இடமாற்றத்தை இரத்துச்செய்யுமாறு அரசியல்வாதிகள் என்னை கஷ்டப்படுத்துகிறார்கள்…!!
Read Time:3 Minute, 21 Second
இடமாற்றம் பெற்ற ஆசிரியர்கள் சிலர் அரசியல்வாதிகளிடம் சென்று இடமாற்றத்தை இரத்துச் செய்யுமாறு கோருகின்றார்கள். சில ஆசிரியர்கள் முஸ்லிம் அரசியல்வாதிகளிடம் செல்கிறார்கள். அந்த அரசியல்வாதிகள் இடமாற்றத்தை இரத்துச்செய்யுமாறு என்னை கஷ்டப்படுத்துகிறார்கள். நான் இடமாற்றம் பெற்றுச் சென்றாலும் பரவாயில்லை. எமது பிரதேச கல்வி வளர்ச்சிக்காக எதையும் எதிர்கொள்வதற்குத் தயாராகவுள்ளேன் என்று கல்குடா வலயக் கல்விப் பணிப்பாளர் செ. ஸ்ரீகிருஸ்ணராஜா தெரிவித்தார்.
மட்டக்களப்பு கல்குடா கல்வி வலயத்தில் சுமார் 4000 மாணவர்களுக்கான தளபாடங்கள் பற்றாக்குறையாகக் காணப்படுவதாகவும் அவர் கூறினார்.
மட்டக்களப்பு கதிரவெளி விக்னேஸ்வரா மகா வித்தியாலய வருடாந்த விளையாட்டுப் போட்டியின் இறுதிநாள் நிகழ்வில் கலந்துகொண்டு உரையாற்றுகையிலேயே இவ்வாறு குறிப்பிட்டார்.
அவர் தொடர்ந்து உரையாற்றுகையில,
கல்குடா கல்வி வலயத்தில் சுமார் 28,500 மாணவர்கள் கல்வி கற்கின்றனர். வலயத்தில் ஆரம்பப் பிரிவு மாணவர்களுக்கு 2000 தளபாடங்களும் இடைநிலைப் பிரிவு மாணவர்களுக்கு 2000 தளபாடங்களும் பற்றாக்குறையாகக் காணப்படுகிறது.
இவ்விடயம் தொடர்பாக கல்வி இராஜாங்க அமைச்சர் இராதாகிருஸ்ணனிடம் கூறிய போது தளபாடங்களை விரைவாகப் பெற்றுத்தருவதாக உறுதியளித்துள்ளார். தளபாடங்கள் கிடைக்கும் பட்சத்தில் வாகரை பிரதேசத்துக்கு முன்னுரிமையளிக்கப்படும்.
எதிர்வரும் 25ஆம் திகதிக்கு முன்பு வாகரைப் பிரதேசத்திலுள்ள ஆசிரியர் வெற்றிடங்களை நிரப்புவதற்கு நடவடிக்கை எடுப்பேன்.
கல்குடா கல்வி வலய இடமாற்றம் பெற்ற ஆசிரியர்கள் அரசியல்வாதிகளிடம் சென்று இடமாற்றத்தை இரத்துச் செய்யுமாறு கோருகின்றார்கள். சில ஆசிரியர்கள் முஸ்லிம் அரசியல்வாதிகளிடம் செல்கிறார்கள்.
அந்த அரசியல்வாதிகள் இடமாற்ற த்தை இரத்துச்செய்யுமாறு என்னை கஷ்டப்படுத்துகிறார்கள். நான் இட மாற்றம் பெற்றுச் சென்றாலும் பரவா யில்லை. எமது பிரதேச கல்வி வளர்ச்சிக்காக எதையும் செய்யத் தயாராகவுள்ளேன் என்றார்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating