கழிவறைக்குள் மனைவி தொலைபேசி உரையாடல் : தலைமுடியை அறுத்த கணவன்…!!
Read Time:3 Minute, 8 Second
கணவர் முன்னிலையில் மனைவியின் கையடக்கத் தொலைபேசிக்கு வந்த அழைப்பிற்கு மனைவி பதிலளிக்காமல் கழிவறைக்குச் சென்று தொலைபேசியில் உரையாடியதால் மனைவி மீது சந்தேகம் கொண்ட கணவர், அவரது தலைமுடியை முழுமையாக அறுத்தெறிந்த சம்பவம் ஒன்று மத்துரட்ட பொலிஸ் பிரதேசத்தில் நிகழ்ந்துள்ளது.
இச்சம்பவம் தொடர்பாக மேலும் தெரியவருவதாவது; குடும்பப் பெண் ஒருவர் தீக் காயங்களால் பாதிக்கப்பட்டுள்ள தன் 4 வயது மகளை வைத்தியசாலையில் அனுமதித்து தன் தாயாரையும் மகளருகில் தங்க வைத்துவிட்டு வீட்டிற்கு ஓடோடி வந்துள்ளார்.
வீட்டிற்கு வந்தபோது இராணுவத்தில் சேவையாற்றும் தன் கணவர் வீட்டிற்கு வந்திருப்பதை அறிந்து கொண்டார்.
வீட்டில் கணவருடன் கதைத்துக் கொண்டிருக்கும்போது மனைவியின் கையடக்கத் தொலைபேசிக்கு அழைப்பு வந்துள்ளது.
அழைப்பினை பார்வையிட்ட மனைவி அவ்விடத்தில் பதில் பேசாமல் கழிவறைக்குச் சென்று கதவினை மூடிக் கொண்டு அதிக நேரம் உரையாடிக் கொண்டிருந்துள்ளார்.
இதனை அவதானித்துக் கொண்டிருந்த கணவர் மனைவி வெளியில் வந்ததுடன் அவர் மீது சந்தேகம்கொண்டு இவ்விடயம் தொடர்பாக வினவியதுடன் அந்நபர் யார் என கேள்வியும் எழுப்பியுள்ளார்.
அந்நபர் இங்கு கிராம பாதை நிர்மாண வேலைகளின்போது அறிமுகமானவர் என மனைவி தெரிவித்துள்ளார்.
எனினும் கணவர் அதனை நம்பாமல் கேள்விக்கு மேல் கேள்வி எழுப்பியதால் இருவக்குமிடையே வாக்குவாதம் ஏற்பட்ட நிலையில் ஆத்திரம் கொண்டு மனைவியின் தலைமுடியைப் பிடித்து முழுமையாகக் கத்தரித்துள்ளார்.
இது தொடர்பாக மனைவி மத்துரட்ட பொலிஸ் நிலையத்தில் முறைப்பாடு செய்ததையடுத்து பொலிஸார் விசாரணைகளை மேற்கொண்டு கணவரை கைது செய்து வலப்பனை நீதிமன்றத்தில் நீதிவான் எச்.எம். செரீப்தீன் முன்னிலையில் ஆஜர்படுத்தியபோது நீதிவான் சந்தேக நபரை 5000 ரூபா ரொக்கப் பிணையிலும் 50,000 ரூபா சரீரப் பிணையிலும் செல்ல அனுமதித்துள்ளார்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating